Kōunga
E mihi ana mātou ki ngā urupare mai i ngā tūroro, ngā whānau me ngā kaihoko hei āwhina i a mātou ki te aromatawai me te whakapai tonu i ā mātou ratonga. Ka whakarongo mātou mā roto i ngā rangahau, te whai wāhi a ngā kaihoko ki ngā kaupapa hoahoa tahi, me ngā kōrero a ngā mema tohutohu kaihoko i roto i tā mātou Rōpū Whakahaere Hauora.
Mā ō urupare mātou e āwhina ki te whakapai ake. Whakamahia te hononga i raro nei hei whakapuaki i tētahi mihi, āwangawanga, amuamu rānei. E whakapau kaha ana mātou ki te whakarongo me te ako kia taea ai e mātou te whakarato i te manaaki pai rawa atu ki ngā tūroro me ngā whānau, i roto i tō mātou Wāhanga Tūroro me te hapori hoki.
Ko ngā āwangawanga, ngā amuamu rānei e whakapuakina mai ana e koe ki a mātou, ka tiakina, ā, ka whakahaerea e tā mātou ratonga Kounga, ka whakautu tika atu ki a koe. Ka whakaae mātou ki ngā amuamu i roto i ngā rā mahi e rima i muri i te whiwhinga mai, ā, ka ripoata atu ki a koe i roto i ngā rā mahi tekau i muri i te whakaae mai.
Ratonga Tautoko Hauora me te Hauātanga ā-Motu
He ratonga kore utu, motuhake hoki te Ratonga Tautoko Hauora me te Hauātanga ā-Motu e tuku ana i te tautoko ki te hunga e hiahia ana ki te āwhina ki te tuku, ki te tuhi rānei i tētahi amuamu mō tētahi ratonga hauora me te hauātanga.
Te Komihana Hauora me te Hauātanga (HDC)
E whakatairanga ana, e tiaki ana hoki te HDC i ngā tika o ngā kaihoko e ai ki te Ture mō ngā Tika a ngā Kaihoko mō ngā Ratonga Hauora me te Hauātanga.